Tumuju 7 Pantai Setunggal Wewengkon

 Pitung panggenan pantai ingkang wonten setunggal wewengkon menika mapan wonten ing pesisir Kabupaten Gunungkidul. Menawi kita saking Ngayogyakarta, wekdal ingkang kita ginakaken kirang langkung 3 jam. Margi tumuju pantai sampun sae, marginipun sampun dipunaspal. Semanten ugi saking margi utama inggih menika margi Pantai Selatan Jawa tumuju 7 pantai ingkang wonten setunggal wewengkon, marginipun sae namung boten sami kaliyan margi utama.

Ingkang dereng nate dumugi 7 pantai ingkang wonten setunggal wewengkon ing Gunungkidul menika, saged ngginakaken margi saking Nol Kilometer kutha Wonosari, utawi Alun-alun Pemda Gunungkidul. Saking jalur menika tumuju arah etan lurus ngantos kepanggih pertigaan saderengipun Polres Gunungkidul, mendhet margi tengen,  lan dherek margi kasebat dumugi kepanggih pratelon margi daerah Mulo, Wonosari, Gunungkidul saged mendhet ingkang margi kereng.

Saduginipun ing daerah Kemadang, Tanjungsari wonten pos retribusi, pengujung ingkang badhe tmuju ing pantai kedhah bayar Rp 5.000,-. Pembayaran menika dipunginakaken kangge retribusi pantai ingkang wonten ing deretan Pantai Baron, inggih menika Pantai Sundak, Pantai Krakal, dan Pantai Kukup, Pantai Drini, Pantai Sepanjang, Pantai Slili lan Ngandong. Ing ngandhap menika badhe kaandharaken 7 pantai ingkang wonten ing setunggal wewengkon :

• Pantai Baron

Pantai Baron menika pantai kapisan nalika mlebet wewengkon 7 Pantai, ing pantai menika dipunubengi giri kapur ing nginggilipun wonten margi alit kangge wisatawan saged ningali keendahan segara ingkang wiyar lan khas. Wonten sisih kilen pantai menika ugi wonten toya kali ngandhap siti (toya tawar).

• Pantai Kukup

Pantai Kukup menika pantai ingkang gadhah pasir pethak ingkang endah. Kejawi menika, wonten setunggal wewengkon karang alit ingkang sampu dipundamel gardu pandang wonten nginggilipun kagem ningali kaendahan Pantai Kukup.

• Pantai Sepanjang

Pantai Sepanjang mapan kirang langkung 1 Km sisih wetan Pantai Kukup. Pantai menika taksih asri ugi dados konservasi wonten ing wanci-wanci tartemtu dados setunggal panggen kagem pendaratan penyu-penyu samodra kagem peparing tiganipun.

• Kawasan Pantai Drini

Pantai Drini menika dados papan kangge nelayan tradisional ugi dipundadosaken kagem Tempat Pelelangan Ikan (TPI). Ugi wonten papan karang alit. Pantai menika dipuntepangi amargi kathah wit drini ingkang dipercaya dhateng masyarakat saged kagem ngadhepi ula ingkang wisa.

• Kawasan Pantai Krakal

Pantai Krakal menika pantai ingkang paling wiyar. Pantai menika mapan kirang langkung 2 Km wetanipun saking Pantai Drini. Kaendahan pantai lan biota laut ingkang saged kagem alternatif kengungkukan kangge wisatawan.

• Kawasan Pantai Slili dan Ngandong

Pantai Slili dipuntepang kaliyan wasta Watu Walang lan Pantai Ngandong kalih pantai ingkang sanget celakan, ugi dipunsebat kalih pantai ingkang nyetunggal, pantai menika mboten tebih saking papan kirang langkung 500 m datheng arah wetan saged dipunpanggihi Pantai Sundak.

• Kawasan Pantai Sundak

Kejawi gadhah papan ingkang sejuk, Pantai Sundak ugi saged kagem wewengkon kemah. Infrastruktur lan fasilitas ingkang wonten ing pantai menika kadosta pendapa papan pitepangan, panggung saha papan kuliner. Boten tebih saking pantai menika wonten goa alit lan dados sumber toya tawar ingkang dipunginakaken dhateng penduduk dados sumber toya sae. 

KELOMPOK :

1. Alfi Setyoko                             (03)

2. Fitriana Rahayuningtyas            (10)

3. Mei Riska Dianti                       (15)

Tweet